“ပညာလို အိုသည်မရှိ” ၊ “အလိမ္မာ စာမှာရှိ” သူသော အဆိုများကို စာရေးသူတို့အရွယ် ကောင်းလေး/ ကောင်မလေးများ အားလုံးလိုလို သိကြမည် ရကြမည် ထင်ပါသည်၊ အကြောင်းမှာ ” စာရေးသူတို့ အရွယ် စာရေးသူတို့ငယ်စဉ်က ကလေးငယ်များသည် ဘုန်းကြီးကျောင်းစာများနဲ့ အလှမ်းမဝေးသေးသောကြောင့်” ဖြစ်သည်၊ တောရွာဘုန်းကြီးကျောင်းများတွင် အသုံးပြုကြသည့် သမ္မတဆယ်ဆောင်တွဲစာအုပ်၏ နောက်ကျော ဘက်တွင် ထိုအဆိုအမိန့်များကို ရေးထားသည်၊ ထိုအဆိုကို ရနေတာ ကြာပါပြီ၊ “ပညာလို အိုသည်မရှိ” ဆိုတာကို စာရေးသူတွေးမိခဲ့တာ သိနေခဲ့တာက “ပညာဟူသော အရာသည် အိုသွားသည်မရှိ၊ ပညာတတ် တစ်ယောက်သည် အိုသွားသည်မရှိ” ဟုသာဖြစ်သည်၊ စာရေးသူ၏ အတွေးကပဲ အိုနေသည်လားတော့ မပြောတတ်ပါ၊ စာရေးသူကလည်း တစ်ခါတစ်ခါ အများနဲ့လုံးဝဆန့်ကျင်သော အတွေးမျိုးကို တွေးမိတတ်သူ ဖြစ်သည်။
စာရေးသူ၏ ညီမလေးကိုတော့ ဒီစာလေးနဲ့ ဆုံးမခဲ့ဖူးသည်၊ ညီမလေးသည် ဆယ်တန်းအောင်ပြီး ၂- နှစ် ကျောင်းထွက်လိုက်သည်၊ တက္ကသိုလ်ဆက်ပြီး မတက်ဖြစ်ပါ၊ အကြောင်းကြောင်းကြောင့်ဖြစ်သည်၊ သူ့ကို စာရေးသူက ကျောင်းဆက်တက်ဘို့ ပြောရသည်၊ အဲဒီမှာ သူ့နဲ့ ဆယ်တန်း အတူအောင်သူတွေထဲက တစ်ချို့ဆိုရင် နောက်ဆုံးနှစ် (final year)ကို ရောက်နေကြပြီဆိုတော့ သူက ရှက်နေသည်၊ တစ်ချို့ကတော့ ပထမနှစ်( first year) ကိုပင် မအောင်ကြသေးပါ၊ သူတို့နဲ့ ချိန်ထိုးပြီး ပြောပြ ဆုံးမရသည်၊ နောက်ဆုံးတော့ “ ညီမလေး ကိုယ်တက်နေတဲ့ အချိန်မှာ ကိုယ်တက်ရောက်နေတဲ့အတန်း အောင်သွားဘို့ က အရေးကြီးတယ်၊ ကျန်တာတွေ က အရေးမကြီးဘူး၊ ဖြစ်ခဲ့ပြီးတာတွေက ဘာမှ မတတ်နိုင်ဘူးလေ၊ ပညာလို အိုသည်မရှိတဲ့၊ ညီမလေး ကြားဖူး မှာပါ၊ ညီမလေး မရှက်နဲ့၊ ပညာသင်ခွင့်ရတာကိုက ညီမလေးအတွက် အခွင့်အရေးတစ်ခုပဲ ၊ အခွင့်အရေးကို လက်လွတ်မခံပါနဲ့၊ ကျောင်းဆက်တက်ပါ” လို့ ဆုံးမခဲ့ဖူးသည်။
“အလိမ္မာ စာမှာရှိ” သူသော စကားကိုလည်း “သြော် စာထဲမှာ လိမ်မာယဉ်ကျေးအောင် ဆုံးမထားတာတွေ ရှိနေတယ်၊ လိမ္မာယဉ်ကျေးမှု့ဆိုတာ စာထဲမှာပဲ ရှိတယ်” လို့သာ သိခဲ့သည်၊ တွေးခဲ့သည်၊ စာထဲက ဆုံးမထားသည့်အတိုင်း လိုက်နာရင် လိမ္မာသည်ဟု မတွေးမိပါ၊ အမှန်တိုင်း ၀န်ခံခြင်းပါ၊ စာရေးသူ Kelaniya တက္ကသိုလ်မှာ ကျောင်းတက်မှ “ ပညာလို အိုသည် မရှိ ” ဟူသော စကား၏အဓိပ္ပါယ်ကို ကောင်းကောင်း သဘောပေါက်သွားသည်၊ အကြောင်းမှာ “ စာရေးသူတို့နဲ့ ကျောင်းအတူတက်သူများ ထဲတွင် အသက်-၅၀ ၊ ၆၀-အရွယ်များပါသည်၊ ဆရာထက်ပင် အသက်ကြီးသူများပါနေခြင်းကြောင့် “ ဖြစ်သည်၊ စာရေးသူ စဉ်းစားသည်၊ “ ဒီအသက်အရွယ်မှာ စာသင်ရတုန်းရှိသေးတယ်၊ ဘယ်အချိန်များ စာပြန်ချပေးကြမှာလဲ၊ ဘယ်အချိန် ဘယ်အရွယ်မှာ ဘွဲ့ရပြီး ဘာတွေများ ခံစားသွားကြရမှာလဲ” လို့၊ အင်း သူတို့ကို မေးကြည့်ရင်တော့ ” စာသင်တာဟာ စာပြန်ချပေးဘို့တစ်ခုတည်း မဟုတ်ဘူး၊ ဘ၀ကို အဓိပ္ပါယ်ရှိရှိ လေးလေး နက်နက် ဖြတ်သန်း လျှောက်လှမ်းနိုင်ဘို့လည်း စာသင်ရတယ်၊ ဒို့သင်တာက အဲဒီအတွက် သင်တာ “ လို့ များ ဖြေနေမလား မသိဘူးနော်၊ ဘယ်လိုပဲ ဖြစ်ဖြစ် “ ပညာလို အိုသည် မရှိ” သူသော စကားကတော့ သီဟိုဠ်အစ အနောက်နိုင်ငံများမှ လူများနဲ့သိပ်ကို အံဝင်ဂွင်ကျဖြစ်လှသည်၊ စာသားသည် မြန်မာပြည်က စာအုပ်ထဲမှာ ရှိနေပေမဲ့ မြန်မာပြည်က လူတွေနဲ့တော့ သဟဇာတ မဖြစ်လှပါ၊ “သီဟိုဠ်က လူတွေအတွက် (အနောက်နိုင်ငံများမှ လူတွေအတွက်) များ ရေးထားလေသလား” ဟုတွေးမိသည်၊ နောက်တစ်ချက်က အနောက်နိုင်ငံ လူအိုများ သက်ကြီးသူမများသည် တရားအလုပ်အားထုတ်ဘို့ စိတ်ကူးလည်းမရှိ၊ ရှိသော်လည်း အလွန်မှ နည်းပါးသည်၊ နည်းလမ်းလည်း မသိကြသော အနောက်နိုင်ငံက လူအို သက်ကြီးသူမများအဘို့ ပညာသင်ရင်းဖြင့် အချိန်ကို အကျိုးရှိရှိ အသုံးချကြတာလည်း ဖြစ်နိုင်သည်။
စာရေးသူတို့ မြန်မာနိုင်ငံက လူအိုတွေ လူကြီးတွေကတော့ သူ့တို့အတွက် “ ဘာမှမလိုတော့၊ တရားသာ လိုတော့သည်” ဟု သိထားကြသဖြင့် နည်းလမ်းလည်းရှိကြသဖြင့် တရားဘက်သာ အားစိုက်နေကြ သည့်အတွက် စာမသင်ဖြစ်ကြ စာမဖတ်ဖြစ်ကြတာလည်း ဖြစ်ကောင်းဖြစ်နိုင်ပါသည်၊ ထို့ကြောင့် သက်ကြီးရွယ်အိုများသည် “ ပညာလို အိုသည် မရှိ” ဟူသော အဆိုနဲ့ အဆက်သွယ် ပြတ်သွားသည် ထင်သည်၊ အင်း ဘယ်လိုပဲ ဖြစ်ဖြစ် “စာရေးသူတို့ မြန်မာ့အဆိုသည် မြန်မာပြည်သူတို့နဲ့ အဆက်သွယ် မပြတ်သင့်” ဟု ထင်မိသည်၊ ထိုသို့ လူအို သက်ကြီးသူမများနဲ့ “ပညာလို အိုသည် မရှိ”ဟူသော စကား အဆက်မပြတ်အောင် ဘယ်သို့ ဘယ်ပုံ ပြုလုပ်ပေးရမည် (ပြုလုပ်ပေးရမည့် နည်းလမ်း)ကို စာရေးသူ တွေးကြည့်သော်လည်း အဖြေမထွက်ပါ၊ လုပ်ပေးနိုင်လျှင်တော့ ကောင်းမည်ဟု ထင်မိသည်။
စာရေးသူတို့ နိုင်ငံက ကတ္တရာလမ်းပေါ်တွင် တွေ့ကြုံရသော ပြဿနာတစ်ခုရှိသည်၊ လူတိုင်းကြုံဖူး တွေ့ဖူး မြင်ဖူးသော ပြဿနာဟု ထင်သည်၊ ကြုံလည်း ကြုံဖူးကြလိမ့်မည်၊ တွေ့လည်း တွေ့ဖူးကြလိမ့်မည်၊ ထိုအရာမှာ “ ကားမောင်းသူက ဆိုင်ကယ်သမား စက်ဘီးသမားကို ‘ ယာဉ်စည်းကမ်းနား မလည်ဘူးလား၊ သေချင်လို့ လား၊ အိုးစားကွဲသွားချင်တော့တာ ထင်တယ်၊ ဘာညာ ဘာညာ ” စသည့်စကားလုံးများဖြင့် ရန်တွေ့ခြင်း အထက်စီးမှ ဆက်ဆံပြောဆိုခြင်းများ/ ကိုယ်ပိုင်ယာဉ်မောင်းသူက အငှားယာဉ်မောင်းသူကို အထက်စီးမှ ပြောဆို ဆက်ဆံခြင်းများ/ လမ်းလျှောက်နေသူကို ကားမောင်းသမားများ ဆိုင်ကယ်သမားများ စက်ဘီးသမားများက အထက်စီးမှ ပြောဆိုဆက်ဆံခြင်းများဖြစ်သည်”၊ ( “လင်မယူချင်တော့ဘူးထင်တယ်” ဘာညာဆိုပြီး မိန်းကလေးကို ဆိုရင် ပိုးစိုးပက်စက် ပြောတတ်ဆိုတတ်ကြသည်၊ ကိုယ့်မြန်မာ မိန်းကလေးတွေကို မြန်မာ ယောက်ျားလေးတွေကမှ မလေးစား တန်ဘိုးမထားရင် ဘယ်သူတွေကလာပြီး တန်ဘိုးထားတော့မလဲ၊ အားလုံးကို နင်ချေဘို့ပဲ ကြည့်နေကြတော့မှာ၊ အဲလို နင်ချေခံရလေလေ မြန်မာဆိုတဲ့အမျိုးက ယုတ်လေလေ ညံ့လေလေ ပျောက်ကွယ်လေလေ ဖြစ်ကုန်မှာပေါ့၊ ဒါကိုလည်း သတိချပ် စေချင်ပါသည်၊ မြန်မာနိုင်ငံသား တိုင်းရင်းသားများတို့သည် မြန်မာပြည်နဲ့ မြန်မာတိုင်းရင်းသား များကို ချစ်ခင်တတ်ရမည်၊ လေးစားတတ်ရမည်၊ စောင့်ရှောက်တတ်ရမည်၊ တန်ဘိုးထားတတ်ရမည်)။
နောက်တစ်ခု စာရေးသူတို့နိုင်ငံက မီးပွုိင့် မျဉ်းကြားမှာဆိုလျှင်လည်း ကားပြတ်တာကိုပဲ စောင့်ရသည်၊ မျဉ်းကြားကူးမည့်သူ ဘယ်လောက်များများ ကားသမားများက အလိုက်သိစွာ ရပ်ပေးတာမျိုး မတွေ့ရပါ၊ အရေးကြီးလို့ ဖြတ်ကူး လျှင်လည်း ကားမောင်းသူများ၏ အထက်စီးနဲ့ ပြောဆို ဆက်ဆံတာကို ခံကြရတတ်သည်၊ (သီဟိုဠ်မှာတော့ ရဟန်းတော်များလမ်းကူးဘို့ရှိနေလျှင် ပြောစရာမလို၊ သူ့ဘာသာ ရပ်ပေးသည်၊ ရဟန်းများမှ မဟုတ်ပါ၊ လမ်းကူးမည့်လူ ၄/၅ ယောက် စုမိနေလျှငလည်း အလိုက်တသိနဲ့ ရပ်ပေးကြသည်)၊ တစ်ရက်တွင် အမှတ်(၅) ဈေးချို=ရေကြည် ကားပေါ် စာရေးသူ တက်ထိုင်လိုက်သည်၊ dirver က စာရေးသူ၏ အသိဖြစ်နေသည်၊ သူက ခေါင်းခန်းမှ စီးရန် ခေါ်သည်၊ စာရေးသူလည်း ငြင်းလို့မကောင်းသဖြင့် ခေါင်းခန်းမှာ သူနဲ့အတူ ထိုင်လိုက် သည်၊ စကားပြောရင်းပါပဲ၊ (စာရေးသူသည် အသိများကားဆိုရင် ခေါင်းခန်းမှ စီးခဲသည်၊ အကြောင်းမှာ “သူတို့က ကားခ မယူသောကြောင့် “ ဖြစ်သည်၊ စီးပွားလုပ်သည့် အလုပ်မှာ လူမှု့ရေးနဲ့မရောစေလိုပါ၊ စာရေးသူက အတင်းပေးသော်လည်း သူတို့က မယူကြပါ)၊ ကျုံးအနောက် တောင်ဘက်တောင့် မီးပွိုင့်အကျော်တွင် ဆိုင်ကယ်သမားက “ ဟေ့ကောင် မအေလိုး ကားသမား ၊ ကားကို ဘယ်လိုမောင်းနေတာ လဲကွ” ဟု ဆဲသွားသည်။
စာရေးသူ တကယ်ကို နားမလည်လိုက်ပါ၊ အသိကားမောင်းသမားက “ ဟေ့ကောင် မအေလိုး၊ မင်းကို ငါက ဘာလုပ်နေလို့လဲကွ၊ ဘာလို့ ငါ့ကို အဲလို ပြောသွားတာလဲ” လို့ ပြန်ပြောသည်၊ ဆဲဆိုသည်၊ (သူတို့ ဆဲဆိုသော စကားများကို အမှန်အတိုင်း ရေးလိုက်သည်၊ ရိုင်းသော်လည်း အမှန်တွေပါ)၊ ဆိုင်ကယ်သမားက ကျော်တက်သွားသည်၊ စာရေးသူ၏ အသိလည်း စိတ်တိုနေသည်၊ လိုင်းကားကို အမြန်မောင်းသည်၊ (သူတို့ချင်း စိတ်တိုနေတာက စိတ်တိုတာပေါ့နော်၊ သူမောင်းနေပုံက သိပ်ကို အန္တရာယ်များလှသည်၊ ကားပေါ်မှာလည်း ခရီးသည်တွေက အများကြီး၊ ချွတ်ချော်ပြီး ကား မတော်တဆ (accident) ဖြစ်လိုက်လျှင် အသက်ပေါင်းများကို ထိုသို့ဆဲဆိုခံရခြင်းဖြင့် လဲပစ်ရတော့မည်၊ မတန်ပေမဲ့ ဖြစ်သွားနိုင်သည်)၊ စာရေးသူတို့ လိုင်းကား သူ့နောက်မှ လိုက်လာသည်ကို သိလို့ထင်သည်၊ ဆိုင်ကယ်သမားက ကားဝင်လို့ မရသော လမ်းကျဉ်းထဲသို့ မောင်းပြေးသည်၊ သူ့အိမ်ကိုက အဲဒီလမ်းကျဉ်းထဲမှာ ရှိနေတာလားတော့ စာရေးသူ မတွေး တတ်ပါ။
စာရေးသူက “ မင်းက ဘာလုပ်လိုက်လို့လဲ၊ ကားမောင်းနေတာလည်း ပုံမှန်စိတ် မဟုတ်ဘူးနော် ” လို့ မေးရင်း သတိပေးစကားပြောလိုက်သည်၊ သူက “ ဟုတ်တယ်၊ စိတ်တိုနေတာ၊ သက်သက်ကြီး စော်ကားသွားတာ၊ ခံရခက်တယ်၊ မီရင် ဘာလို့ဆဲသွား တာလဲဆိုတာကို မေးပြီး လက်သီးနဲ့ ပယ်ပယ်နဲနဲ ထိုးပစ်မိမှာ” လို့ပြောသည်၊ “ဘာကြောင့်လဲ” ဟု မေးကြည့်တော့ “မသိဘူးလေ၊ သူ့လမ်းကြောကို ပိတ်မိသလိုဖြစ်သွားလို့နေမှာ၊ မတတ်နိုင်ဘူးလေ၊ ဒီလောက်ယာဉ်တွေရှုပ်နေတာ၊ တစ်ယောက်နဲ့ တစ်ယောက် မထိခိုက်အောင်ကိုပဲ မနည်းကြည့်မောင်းနေရတဲ့အချိန်” လို့ပြောသည်၊ ခက်သားဗျာ၊ ယာဉ်ချင်း မတော်တဆ တိုက်မိတာမျိုး ပွတ်မိတာမျိုးဆိုလည်း (ကြီးကြီးကျယ်ကျယ် ဖြစ်တာမျိုးမဟုတ်) ရေးကြီးခွင်ကျယ်လုပ်ပြီး ဆဲဆို အော်ဟစ်ပြောဆိုတတ်ကြသည်၊ တစ်ယောက်နဲ့ တစ်ယောက် တစ်ဦးနဲ့ တစ်ဦး နာလည်ပေးမှု့ သိပ်ကို ခေါင်းပါးကြသည်၊ နည်းပါးကြသည်၊ ပြေလည်အောင် ပြောဆိုဘို့ထက် ပြဿနာရှာပြောဘို့ကိုသာ ဦးတည်နေတတ်ကြသည်၊ စာရေးသူတို့ လူမျိုးသည် ”လူတစ်ဦးတစ်ယောက်ရဲ့ ကောင်းကွက်ကို မမြင်လွယ်ကြ၊ ဆိုးကွက်ကိုသာ မြင်လွယ်ကြသည်၊ လိုက်ကြည့်တတ်ကြသည်၊ အပြစ်တင် စောတတ်ကြသည်၊ ခွင့်လွှတ်ပေးမှု့ထက် တုန့်ပြန်မှု့ကိုသာ ဦးစားပေးတတ်ကြသည်၊ တကယ့်တကယ် အရေးပါသော ကိစ္စမျိုး စစ်မှန်သောကိစ္စမျိုးဆိုရင်တော့ အဲလို မဟုတ်ကြပါ၊ ဘာမဟုတ်တဲ့နေရာ ကိစ္စ အကြောင်းအရာမျိုးမှာသာ ထိုသို့ဖြစ်နေကြသည် “။
ထိုအခြင်းအရာများ ဆဲသံဆိုသံများသည် သီဟိုဠ်နိုင်ငံက ကတ္တရာလမ်းတွေပေါ်မှာ မတွေ့ရသလောက် မကြားရသလောက် နည်းပါးလှသည်၊ ကျွန်တော်စီးသည့် ယာဉ်နဲ့အခြားယာဉ် တိုက်မိတာလည်း ကြုံဖူးသည်၊ ဘာမှ ကြီးကြီးမားမားမဖြစ်လျှင် စကားပင် အချိန်ကုန်ခံမပြောကြ၊ လမ်းဆိုလျှင်လည်း သူဦးသူမောင်း ကိုယ်ဦး ကိုယ်မောင်းပင်၊ ယာဉ်ကြိး ယာဉ်ငယ်လည်း မခွဲခြားပါ၊ ချစ်စရာကောင်းသည့် အမူအကျင့် တစ်ခုပင်ဖြစ်သည်၊ နွားလှည်းရှိသူက နွားလည်းဖြင့် မြို့ကိုပတ်ခွင့်ရှိသည်၊ သူလည်း ကားပိုင်ရှင်များနည်းတူ ကားလမ်းပေါ်မှာ လွတ်လွတ်လပ်လပ် မောင်းခွင့်ရှိသည်၊ တန်းတူ အခွင့်အရေးရှိတယ်ဆိုတာကို ပြသလိုက်သလိုပါပဲ၊ စာရေးသူ စဉ်းစားပါသည်၊ “သီဟိုဠ်က လူတွေဆီမှာပဲ လိမ္မာအောင် ဆုံးမတဲ့ အဆုံးအမစကားတွေက ရှိနေလို့လား၊ သိနေကြလို့လား၊ (သို့မဟုတ်) စာရေးသူတို့နိုင်ငံက လူတွေဆီမှာ ယဉ်ကျေးလိမ္မာအောင် ဆုံးမထားသည့် စာတွေ အဆုံးအမတွေက မရှိကြလို့လား၊ မသိကြလို့လား“ ဆိုတာကိုပါ၊ “အလိမ္မာတွေက စာထဲမှာသာရှိပြီး မြန်မာပြည်က လူတွေဆီမှာ မရှိကြလို့ဖြစ်မည်” ဟု စိတ်မကောင်းစွာဖြင့် တွေးမိသည်။
သီဟိုဠ်နိုင်ငံဟာလည်း ဗုဒ္ဓအဆုံးအမကို လိုက်နာနေသူများသာ များသည်၊ နိုင်ငံရဲ့ လူဦးရေ - ၇၀% သည် ဗုဒ္ဓအဆုံးအမကိုသာ လိုက်နာနေကြသည်၊ စာရေးသူတို့ နိုင်ငံသည်လည်း လူအများစုဟာ ဗုဒ္ဓအဆုံးအမကို လိုက်နာနေကြသည်၊ ဆုံးမစကား ဆုံးမစာ ဆုံးမတရားခြင်း တူနေပါလျှက် ဘာကြောင့် ပင်ကိုယ် အသိစိတ်ဓာတ်များ ရှိ / မရှိ ကွာခြားနေကြသနည်းဟု ခဏခဏပင် စဉ်းစားမိသည်၊ သူငယ်ချင်း တစ်ယောက်က “ သီဟိုဠ်က လူတွေက လောဘတော့ အရမ်းကြီးကြတယ်၊ ငွေနဲ့မိန်းမဆိုရင် အရမ်းမက်မောကြတယ်၊ လိုချင်ကြတယ်၊ ဒါပေမဲ့ ဒေါသကိုတော့ တော်တော်လေးကို ထိန်းနိုင်ကြတယ်၊ ဖြစ်ရင်လည်း အပြင်ကို ထွက်လာတာ သိပ်မတွေ့ရဘူး၊ ချက်ချင်း ထိန်းချုပ်နိုင်ကြတယ်”လို့ ပြောဖူးသည်၊ နောက်ပြီး Immigration office က တာဝန်ရှိ အမျိုးသမီး တစ်ဦးကလည်း “ နင်တို့ မြန်မာဘုန်းကြီး (ဗုရမေ ဟာမူးသရူး) တွေက သိပ်ဒေါသကြီးကြတယ်၊ ငါတို့ နိုင်ငံက ဘုန်းကြီးတွေက နင်တို့မြန်မာဘုန်းကြီးတွေလို ဒေါသမကြီးကြဘူး” လို့ အပြစ်ပြော ခံရဘူးသည်၊ (တစ်ခါက မြန်မာဦးဇင်း တစ်ပါးသည် မလေးရှားကိုသွားဘို့ လေယာဉ်လက်မှတ် ဖြတ်ပြီးမှ ဗီဇာသွားတိုးသည်၊ သူ့အတွေးကတော့” လေယာဉ်လက်မှတ်ပြပြီး ဗီဇာတိုးရင် မြန်မြန်တိုးပေးမည်ဟု ထင်သောကြောင့်ဖြစ်သည်၊ သူထင်ထားသည်နဲ့တစ်ခြားစီဖြစ်နေသည်၊ (မှန်းချက်နဲ့ နှမ်းထွက်မကိုက်ပါ)၊ ကုလားတို့သည် အေးတိအေးစက် သိပ်လုပ်တတ်ကြသည်၊ ခု ဗီဇာကိစ္စမှာလည်း အေးအေးဆေးဆေးပင်၊ ဦးဇင်းလေးမှာတော့ လေယာဉ်လက်မှတ် ဖြတ်ပြီးသားမို့ ဗီဇာမရလျှင် လက်မှတ်ဆုံးတော့မည်၊ ထို့ကြောင့် မြန်မြန်လုပ်ပေးဘို့ ဒေါနဲ့ဇောနဲ့ပြောမိသည်၊ ထို့ကြောင့် အထက်ပါ စကားကို ထိုဝန်ထမ်းအမျိုးသမီးက ပြောခြင်းဖြစ်သည်)။
သီဟိုဠ်နိုင်ငံကကုလားများသည် လောဘကြီးကြသည်၊ ဒေါသကိုတော့ တော်တော်လေးကို ထိန်းနိုင်ကြ သည်၊ ဖြစ်လာလျှင်လည်း ထိန်းချုပ်နိုင် လွယ်သည်၊ ခွင့်လွှတ်နားလည်ပေးတတ်သည်၊ ကိုယ့်အလုပ်သာ ကိုယ်လုပ်နေ တတ်သည်၊ ရန်တွေ့ဘို့ ဆူဘို့ဆဲဘို့ကို စိတ်မကူးကြ၊ ထိုသို့ပြုလုပ်နေခြင်းဖြင့် အလုပ်အတွက်အချိန်တွေကို မဖြုန်းတီးကြပါ၊ (ရန်ဖြစ်စကားများလို့ စတင်တိုက်ခိုက်သူသည် အပြစ်ပေး အရေးယူခံရမည် ဟူသော စည်းကမ်းဥပဒေရှိသောကြောင့်လည်း ဖြစ်သည်)၊ စာရေးသူစီးသော Three-wheel, Bus-car များ တိုက်မှု့ဖြစ်တာတွေလည်း ကြုံခဲ့ရသည်၊ သူတို့သည် စကားတောင်အော်ဟစ် ပြောမနေကြပါ၊ ဆက်မသွားနိုင် သူက လမ်းဘေးကပ်ပြီး သွားနိုင်သူက ဆက်သွားကြသည်၊ (သူတို့သည် ယာဉ်တိုက်မှု့ဖြစ်လျှင် စကားငြင်းခုံ မနေကြခြင်းသည် “ သူတို့ယာဉ်များအတွက် အာမခံကုမ္မဏီမှ တာဝန်ယူ ပြင်ပေးကြသော ကြောင့်ဖြစ်သည်” ဟုကြားဖူးသည်၊ ဟုတ်မဟုတ်တော့ ကျွန်တော် တပ်အပ်သေချာ မသိပါ)၊ ဘာကြောင့်ဘဲဖြစ်ဖြစ် စကားဆူညံ ပြောဆိုနေခြင်းမရှိတာကတော့ အတုယူစရာ ပြုပြင်စရာ ကောင်းသည့် အချက်တစ်ခုဟု မြင်မိသည်။
သိဟိုဠိနိုင်ငံသားများသည် တရားကိုလက်တွေ့သာ အားမထုတ်ကြတာ၊ စာထဲမှာရှိသော အလိမ္မာစာများ ဆုံးမစကားများကိုို လူမှု့ရေးနယ်ပင်တွင် ချသုံးကြသဖြင့် လက်တွေ့ကျင့်သုံးကြသဖြင့် များစွာမှ စိတ်ချမ်းသာကြသည်၊ ယဉ်ကျေး သိပ်မွေ့သည်ဟု ပြောဆိုခံကြရသည်၊ စာရေးသူတို့ နိုင်ငံသားများသည် လောဘလည်း ကြီးသည်၊ မကြီးသည် မဟုတ်၊ မလိုချင်သည် မဟုတ်၊ လိုချင်တာမှ မဟားဒရားပင်(မတန်မဆ)၊ အချောင်ရ ပိုလိုချင်ကြသည်၊ ဒေါသကလည်း ကြီးလိုက်တာမှ မပြောနဲ့တော့၊ ထက်ခနဲဆို နှုတ်ရော ကိုယ်ရော မထိန်းချုပ်ကြ၊ ဆဲကြဆိုကြ ဆွဲကြ ရမ်းကြတော့သည်၊ မာနဆိုလည်း ထောင်နေလိုက်ကြတာ ၊ တံခွန်တိုင် အလားပင်၊ အထက်စီးက ဆက်ဆံတဲ့နေရာမှာလည်း သူမတူအောင် လုပ်တတ်ကြသည်၊ ဘာလို့ဒီလိုတွေ ဖြစ်နေလဲ ဆိုတာကို စဉ်းစားမရပါ၊ တရားအားထုတ်မှု့ ဆိုလည်း ဘယ်နိုင်ငံမှ ယှဉ်လို့မရလောက်အောင်ထိ များပြားလှသည်၊ ရိပ်သာတိုင်းမှာ ယောဂီတွေမပြတ်၊ တရားပွဲတွေဆိုလည်း များမှများ၊ ဘာသာရေးစာအုပ်တွေဆိုလည်း ပေါမှပေါ၊ တရားခွေတွေဆိုလည်း ကြိုက်သလောက်ဝယ်လို့ရသည်၊ ဒီလိုတွေပြည့်စုံနေပါလျှက် ဘာကြောင့်များ လူရိုင်းစိုင်း စာရင်းထဲမှာ ပါနေကြသလဲ၊ လူရိုင်းစိုင်းတွေလို့ ထင်ခံနေရသလဲဆိုတာကို စဉ်းစားတိုင်း စိတ်မကောင်းဖြစ်ရသည်။
တွေးကြည့်ပါများလာတော့ “ (၁) စာရေးသူတို့ နိုင်ငံသူ/သားများသည် - ပညာလို အိုသည်မရှိ - ဟူသော အဆိုနဲ့ အဆက်သွယ်ပြတ်နေခြင်း၊ (၂) စာပေကပေးသော အသိပညာ အတတ်ပညာကို မလိုချင်ကြသောကြောင့် စာမဖတ်ခြင်း၊ (၃) စာဖတ်ရခြင်း၏ အကျိုးကျေးဇူးကို မသိခြင်း၊ (၄) စာဖတ်ချင်စိတ် မရှိခြင်း၊ (၅) စာဖတ်ချင်အောင် တိုက်တွန်းစကားများကို များများမကြားရခြင်း၊ (၆) မဖြစ်မနေ ယဉ်ကျေးလိမ်မာစာများ ဖတ်ရမည် သင်ရမည်ဟူသော စည်းကမ်းမရှိခြင်း၊ (၇) ပြည်သူများ ဖတ်နိုင်လောက်သော စာအုပ်ဈေးများ သတ်မှတ် မထားနိုင်ခြင်း၊ (၈) စာရေးသူများသည် သူတို့စာအုပ် ကောင်းဘို့ ဈေးကွက်စီးပွားရေး အတွက် အဆင်ပြေဘို့သာ ကြည့်တတ်ပြီး ပြည်သူတွေ စာဖတ်နိုင်အောင် စာရွက်သား အသင့်တင့်ကို မသုံးကြပဲ ဈေးကြီးပေးရသော စာရွက်သား အကောင်းများကိုသာ အသုံးပြုခြင်း၊ (၉) ဆရာကြီးပီမိုးနင်း စာအုပ်များကို အတူမယူတတ်ကြခြင်း နှင့် စာအုပ် စာပေထဲတွင်ရှိသော အလိမ္မာစာများ ဆုံးမစကားများကို သိရုံသာသိပြီး ဖတ်ရုံသာဖတ်ပြီး လူမှု့ရေးနယ်ပယ်တွင် လက်တွေ့ချ မသုံးတတ်ခြင်း မသုံးကြခြင်းတို့ကြောင့်ဖြစ်မည်” တွေးမိ ထင်မိသည်။
စာရေးသူတို့ ပြည်တော်ကြီးသား / သူ များကို “ ပညာလို အိုသည်မရှိ “ ဟူသောအဆိုနဲ့လည်း သမ္ပယုတ္တ ဖြစ်အောင် (ကိုက်ညီအောင် လိုက်ဖက်အောင်) “အလိမ္မာ စာမှာရှိ” ဟူသော အဆိုအတိုင်း စာထဲမှာ ရှိသော လိမ္မာယဉ်ကျေးဆုံးမစာများ သူတို့ရင်ထဲသို့ရောက်နိုင်အောင် လက်တွေ့ အသုံးချ တတ်အောင် ယဉ်ကျေးလိမ္မာ အသိစိတ်ဓာတ် မြင့်မားသူများဖြစ်အောင် မည့်သို့မည်ပုံ လုပ်သင့်သည်ကို တွေးတောကြံဆပြီး ကိုယ်ရှိရာနေရာမှ နိုင်သလောက် စွမ်းသလောက် ကူထောက် ပြုလုပ်ကြပါစို့လို့-----